Vinstravongurin og miðsamgongan taka seg saman móti Le Pen

Í Fraklandi hava fleiri enn 200 valevni á vinstraveingi og í miðsamgonguni tikið seg aftur undan seinna valumfari á tjóðartingsvalinum í Fraklandi sunnudagin.

Vónin er, at tey, sum standa á listanum, fáa betri møguleika at vinna á Tjóðskaparliga savningarflokkinum á høgraveinginum á valinum.

Franski forsætisráðharrin, Gabriel Attal, sigur, at taka flokkarnir seg saman móti Tjóðskaparliga savningarflokkinum, eru góðir møguleikar fyri, at høgravongurin ikki fær so stóran meiriluta.

Marine Le Pen

Tjóðskaparligi savningarflokkurin hjá Marine Le Pen fekk triðjuhvørja atkvøðu í fyrra valumfari. (Mynd: Reuters/Ritzau Scanpix)

Attal hevur hildið røðu, nú tað er greitt, at 221 valevni hjá miðsamgonguni hjá Macron, forseta, og hjá vinstraveinginum hava boðað frá, at tey stilla ikki upp til seinna valumfar sunnudagin. 

Tjóðskaparlgi savningarflokkurin hjá Marine Le Pen vann stórsigur á fyrra valumfari. Hann fekk 33 prosent av atkvøðunum. 

- Tað verður torførari hjá valevnunum á høgraveingi at fáa gott úrlit, tá ið so nógv valevni taka seg aftur, sigur altjóða korrespondenturin hjá DR, Stéphanie Surrugue: