Macron vil hava forsætisráðharran at halda fram fyribils

Franski forsetin Emmanuel Macron heitir nú á Gabriel Attal um fyribils at halda fram í starvinum sum forsætisráðharri. 

Attal segði í gjár, at hann fór at heita á Macron um at loysa seg úr starvi sum forsætisráðharri eftir tjóðartingsvalið, har vinstrasinnaða samgongan, Nýggja fólkafylkingin, NFP, fekk flestar atkvøður.

Miðsamgongan, sum Macron og Attal eru partur, gjørdist nummar tvey við næst flest sessum í tjóðartinginum.

Tað er ikki greitt, hvør hevur fingið uppgávuna at skipa stjórn í Fraklandi.

Emmanuel Macron hevur í dag heitt á Attal um fyribils halda fram sum forsætisráðharri fyri at tryggja støðufesti í landinum, skrivar Reuters.

Attal skal hava verið fyrireikaður, um at hann fór at vera biðin um halda fram í starvinum, men avgerðina átti Macron.