Fleiri demokratar vilja hava Biden at taka seg aftur

Alsamt fleiri í demokratiska flokkinum finnast nú at, at amerikanski forsetin, Joe Biden, framvegis er valevni floksins til forsetavalið seinni í ár.

Í nátt boðaði níggjundi demokraturin í Umboðsmannatinginum frá, at hann heldur, at forsetin eigur at taka seg aftur sum forsetavalevni.

Eisini senatorurin, Peter Welch, hevur í avísini Washington Post beinleiðis heitt á Joe Biden um at taka seg aftur.

Sjónleikarin George Clooney, ið saman við øðrum hevur savnað inn yvir 200 milliónir krónur til valstríðið hjá Biden, hevur eisini hálsað um:

- Joe Biden kann ikki vinna dystin ímóti tíðini, tí hetta er alt samalt ein spurningur um aldur, sigur hann í eini viðmerking í The New York Times.