Paul Watson verður verandi í fongslinum

Landsrætturin í Grønlandi hevur seinnapartin staðfest avgerðina hjá rættinum í Nuuk um, at Paul Watson skal sita varðhaldsfonglaður í Grønlandi til 5. september

Tað boðar grønlendska løgreglan frá í tíðindaskrivi, skrivar danska kringvarpið sambært Ritzau. 

Verjin hjá Paul Watson kærdi avgerðina til landsrættin. Verjin hevði heitt á dómaran um at loyva Paul Watson at búgva á hotelli, í staðin fyri at sita í varðhaldi saman við dømdum fólkum í fongslinum í Nuuk, men áheitanin var ikki eftirlíkað.

Paul Watson var tikin, tá skip hansara John Paul DeJoria kom til Nuuk at bunkra 21. juli.