Tólmenni vaskar gólvini í Skúlanum á Giljanesi

Tað minnir ikki sørt um R2-D2 úr Star Wars-filmunum, nýggja vaskitólmenni - vaskirobotturin - hjá Vága kommunu. 

Vága kommuna hevur valt at brúka 400.000 krónur upp á tólmenni, sum vaskar stóru gólvflatarnar í Skúlanum á Giljanesi. 

"Tað ræður um at arbeiða smart heldur enn hart," sigur Bjarni Prior, borgarstjóri í Vága kommunu. 

Tólmenni er sjálvvirkandi og dugir sjálvt at skifta skitna vatni út við reint, brúka lyftina í skúlanum og annað. Tað fer ikki beinleiðis í hvønn krók, tí tað hevur trupult við at koma, men tað ger tað tunga arbeiðið fyri vaskikonurnar. 

"Eingin vaskikona fer at missa arbeiðið av hesum," lovar Bjarni Prior. 

Tólmenni vaskar gólv, Skúlin á Giljanesi, Vága kommuna