Skal bara taka støðu til WTO - ikki allan ríkisfelagsskapin

Gerðarrætturin, sum skal avgera trætuna millum Føroyar og Danmark um WTO, skal bara taka støðu til málið um heimshandilsfelagsskapin, WTO, og ikki allan ríkisfelagsskapin.

Tað sigur Ruth Vang, landsstýriskvinna í fíggjarmálum.

Hon ásannar tó, at niðurstøðan hjá gerðarrættinum kann koma at hava týdning fyri støðuna hjá Føroyum, tá tað kemur til aðrar limaskapir:

Føroyar hava leingi viljað fingið sjálvstøðugan limaskap í WTO, men løgfrøðingar í danska løgmálaráðnum siga hetta vera í stríð við grundlógina.

Nú skal ein gerðarrættur avgera málið við heimild í grein 6 í heimastýrislógini. 

Hetta er fyrstu ferð, at grein 6 í heimsstýrislógini verður roynd.

Danska stjórnin velur tveir limir í gerðarrættin og landsstýrið tveir, og so verða tríggir limir valdir úr Hægstarætti, men teir verða bara boðsendir, um hinir ikki kunnu semjast.