Sleppur undan at gjalda mvg fyri myntir

TAKS og Kærustovnurin eru ikki samd um meirvirðisgjald fyri pengar.

TAKS legði meirvirðisgjald á gullmyntir, sum blivu innfluttar til Føroya.

Tann, sum innflutti myntirnar, kærdi og fekk viðhald frá Kærustovninum.

Tulkingin hjá TAKS var, at myntirnar antin skulu kunna nýtast, ella hava verið nýttar sum lógligur gjaldsmiðil fyri at sleppa undan meirvirðisgjaldi.

Allar myntir ikki undantiknar

Tað heldur Kærustovnurin ikki.

Kærustovnurin sigur tó, at ásetingin í lógini skal ikki tulkast so breitt, at allar myntir eru undantiknar meirvirðisgjaldi.

Men í hesum førinum komu myntirnar frá einum tjóðbanka, og eru tí undantiknar meirvirðisgjaldi, sigur Kærustovnurin.

Kærustovnurin hevur tí broytt avgerðina hjá TAKS, so meirvirðisgjald ikki skal leggjast á myntirnar, sum kærarin innflutti.