Springarar verða hildnir til

Springarar, sum vórðu sæddir uttanfyri Eystnes í morgun liggja í løtuni út fyri Rituvík.

Ein leyslig meting er, at talan er um 200 springarar.

Jacob Vestergaard, sýslumaður, hevur gjørt av, at hesir skulu haldast til á Skálafjørðinum.

Samstundis er grindaøki lýst á sandinum, har drápið skal fara fram og síðan á kaiøkinum, har springararnir síðan skulu takast upp.

Tað greiðir vakthavandi á politistøðini frá.

Í løtuni verður bíðað eftir fleiri bátum, so springararnir kunnu haldast til.