- Tíðindi, mentan og ítróttur
Pólski forsætisráðharrin ónøgdur við týskt marknaeftirlit
Pólski forsætisráðharrin ónøgdur við týskt marknaeftirlit
Donald Tusk heitir á grannalondini hjá Týsklandi, um at seta seg saman at umrøða støðuna
![](https://kvf.fo/sites/default/files/styles/grein-ovasta-mynd/public/20240901-113204-l-4283x2855ma.jpg?itok=-8j0BEls)
Donald Tusk er forsætisráðharri í Póllandi.
Mynd: AFP/Ritzau Scanpix
11.09.2024 - 09:35
Polski forsætisráðharrin, Donald Tusk, er ikki nøgdur við, at Týskland hevur sett í verk marknaeftirlit við øll níggju grannalondini, sum hava mark til Týsklands.
- Týska avgerðin er ráðarík og kann ikki góðtakast, sigur Tusk.
Marknaeftirlitið er í veruleikanum ein kolldøming av Schengen-avtaluni, sum tryggjar fría ferð um mørkini millum limalondini í ES.
Donald Tusk heitir tí á grannalondini hjá Týsklandi, um at seta seg saman at umrøða støðuna, skrivar enska avísin The Guardian.
Serliga leggur Tusk dent á, at tað als ikki kann góðtakast, at land hansara nú skal taka støðu til allar teir tilflytarar, Týskland kann væntast at fara at vísa frá sær, tá ið teir koma úr Póllandi til týska markið.
Nýggjastu sendingar í ÚV
Nýggjastu sendingar í SV