Landsstýriskvinnan: Málið um heilsutrygdargjaldið verður loyst

- Málið um heilsutrygdargjaldið verður loyst og pengarnir afturgoldnir teimum, sum hava goldið av órøttum.

Tað sigur Margit Stórá, landsstýriskvinna í heilsumálum, sum aftur í dag skuldi svara løgtinginum, nær hon ætlar at avgreiða málið.

Jacob Vestergaard

Hesa ferð var tað Jacob Vestergaard, løgtingsmaður fyri Fólkaflokkin, sum spurdi, nær útisiglarar fáa heilsutrygdargjaldið endurrindað.

Tingmaðurin vil vera við, at nú rættarskipanin hevur avgreitt málið endaliga, gerst rokningin størri og størri, fyri hvønn dag sum gongur:

Sambært Taks hevur stovnurin ikki heimild at gjalda útaftur heilsutrygdargjald, fyrr enn Taks hevur fingið upplýst, hvør persónur skal hava afturgoldið og fyri hvat tíðarskeið. 

Í løgtinginum seinnapartin segði Margit Stórá, at hon er á veg í løgtingið við einum lógaruppskoti, sum verður grundarlagið fyri at málið kann avgreiðast: