Fyrrverandi fótbóltsspælarin Johan Neeskens er deyður

Fyrrverandi fótbóltsspælarin Johan Neeskens er deyður 73 ára gamal.

Tað skrivar niðurlendska fótbóltssambandið, KNVB, í tíðindaskrivi.

Neeskens var ein av týdningarmestu spælarunum hjá Niðurlondum og Ajax gjøgnum 1970-árini, og var millum annað liðfelagi hjá landsmanninum Johan Cruyff.

Neeskens var partur av Ajax liðnum, sum vann evropeisku kappingina fyri meistaralið trý ár á rað - frá 1971 til 1973.

johanneeskens_-_knvb_2.jpg

Frítekst tagging: 

#ítróttur

#Niðurlond

#Holland

#fótbóltur

#Johan Neeskens

Miðvallarin var eisini fimm ár í FC Barcelona, ​áðrenn hann endaði sína yrkisleið við at spæla fótbólt í USA og Sveis. 

Á niðurlendska landsliðnum var hann við til at vinna HM-silvur bæði í 1974 og 1978, umframt bronsu í EM-endaspælinum í 1976.

Við Neeskens og Cruyff sum fremstu drívmegi, so mentu Ajax og Niðurlond tann kollveltandi totalfótbóltin. Ein tilgongd til fótbóltsspælið, sum síðan hevur verið brúkt av nógvum liðum kring heimin.