Friðingarnevndin givið loyvi til vindmyllur í Klivaløkshaga

Náttúrufriðingarnevndin í Sandoyar sýslu hevur givið loyvi til, at vindmyllur vera bygdar í Klivaløkshaga vestan fyri Sands bygd. 

Loyvið umfatar eisini vegin, sum skal gerast úr landsvegnum millum Sand og Skopun vestur í Klivaløkshaga.

Vegurin skal gjøgnum nakrar hagar.

Men loyvið er ikki treytaleyst, verri enn so.

Nógvar treytir eru, sigur Kristian Martin Joensen, sýslumaður og formaður í náttúrufriðingarnevndini.

Treytirnar eru millum annað tær, sum eru í umhvørvisárinsmetingini, sum SEV gjørdi, og Umhvørvisstovan góðkendi.

Kristian Martin Joensen

Kristian Martin Joensen.

Fer í Yvirfriðingarnevndina

Kristian Martin Joensen leggur dent á, at avgerðin hjá náttúrufriðingarnevndini er ikki endalig.

Hon fer nú í Yvirfriðingarnevndina, sum hevur endaligu avgerðina.

Umhvørvisstovan, Orka, bað náttúrfriðingarnevndina um loyvi.

Fimm til sjey vindmyllur skulu setast upp í Klivaløkshaga.

Umhvørvisstovan hevur longu lýst eftir umóknum um loyvi til elframleiðslu úr vindorku í Klivaløkshaga. 

Lýsingin kom 15. juli, og freistin at bjóða er 15. januar næsta ár.