Varðhaldsfongsling aftur longd fýra vikur

Enn einaferð er varðhaldsfongslingin hjá manninum, sum er skuldsettur fyri álopið við Sandá, longd fýra vikur.

Hann góðtók sjálvboðin at vera í varðhaldi í fýra vikur aftrat.

Maðurin er skuldsettur fyri at leypa á eina kvinnu á gøtuni við Sandá 28. apríl.

Umleið eitt korter eftir álopið tók løgreglan mannin í kirkjugarðinum við Velbastaðvegin.

Maðurin er í tríatiárunum og útlendingur.