- Tíðindi, mentan og ítróttur
Sitandi kanslari biðin um at skipa nýggja stjórn
Sitandi kanslari biðin um at skipa nýggja stjórn
Hóast høgravendi flokkurin gjørdist størstur á valinum vil eingin samstarva við hann
Karl Nehammer er kanslari í Eysturríki.
Mynd: Reuters/Ritzau Scanpix
23.10.2024 - 09:32
Forsetin í Eysturríki, Alexander Van der Bellen, hevur biðið sitandi kanslaran í landinum, Karl Nehammer úr konservativa flokkinum ÖVP, um at royna at skipa stjórn.
Tað skrivar Ritzau.
Tað var annars høgravendi FPÔ - Frælsisflokkurin í Eysturríki - sum vann valið í september, men eftir fyrstu tingingarnar vísir tað seg, at eingin vil arbeiða saman við flokkinum.
Á valinum í september var tað fyrstu ferð síðani seinna heimsbardaga, at ein høgravendur flokkur gjørdist størstur í eysturríkska tjóðartinginum.
FPÖ fekk 29 prosent av atkvøðunum.
Er kopiera
Nýggjastu sendingar í ÚV
Nýggjastu sendingar í SV
