Putin: Bara Russland ger av, um norðurkoreansk herfólk verða brúkt

Tað verður bara Russland, sum ger av, um Russland fer at brúka norðurkoreansk herfólk í Ukraina.

Tað sigur russiski forsetin Vladimir Putin í almennum russiskum sjónvarpi í dag, nú søgur eru farnar at ganga um, at norðurkoreansk herfólk eru komin til ukrainska hermótið.

Sambært ukrainska forsetanum Volodymyr Zelinskyj fer Russland longu sunnudagin at seta norðurkoreansk herfólk inn í stríðið.

Í gjár vildi Putin hvørki vátta ella avsanna tíðindini um, at herdeildir úr Norðurkorea skulu stríðast móti Ukraina saman við russiska herinum.