Tøknin sveik í landsinnsavningini hjá Reyða Krossi

Tøknin sveik í landsinnsavningini hjá Reyða Krossi í gjárkvøldið. Tí er endaliga upphæddin ikki komin inn, og heldur ikki er drigið um bilin enn. 

Men tað er greitt, at innsavningin gav í minsta lagi 3,4 milliónir kr. 

- Ein dátugrunnur, sum skuldi savna dáturnar, sveik, sigur Eva Skeel Nolsøe, kundastjóri í Føroya Tele.

Eisini hjá Nema var ógreitt hjá summum, hvussu tey skuldu bera seg at fyri at stuðla.

Hoyr innslag í útvarpstíðindunum: 

Reyði Krossur hevur boðað frá, at bæði vinnarin av elbilinum og endaliga upphæddin verða kunngjørd í Góðan Morgun Føroyar í morgin.

Til ber at fylgja við í útvarpinum í morgin, týsdagin, eftir klokkan 9.

Hetta merkir eisini, at tað framvegis ber til at stuðla. Til á midnátt ber til at vera við í lutakastinum um bilin.