Eyðun Klakstein: Iðrar seg um mist playoff-pláss

Eyðun Klakstein helt ikki, at tað var neyðugt at tapa Nations League-dystin fyri Norðurmakedónia.

- Nei, eitt keðiligt tap. Vit royndu, tað vi kundu. Spældi ein okay dyst. Spældu meir í dag, men eitt sindur irriterandi at tapa upp á ein einstakan feil, segði venjarin, sum neyvan heldur fram í A-landsliðsvenjarasessinum.

Føroyar vardu eins og ímóti Armenia langt afturi á vøllinum, men tað eydnaðist í størri mun at spæla seg frameftir til kjansir ella vandamiklar støður ímóti norðurmakedónum. Kjansirnir fullu til Petur Knudsen, sum avloysti Páll Klettskarð í mun til seinast, men NSÍ-framherjin hevði ikki eydnuna við sær.

Í staðin tók Bojan Miovski av, tá Gunnar Vatnhamar ikki rakti bóltin, tá hann skuldi rudda burtur, og Føroyar megnaðu ongantíð at svara aftur.

 - Vit náddu tað størsta málið. Tað var at tryggja plássið í deildini, men so iðra vit okkum um, at vit ikki fingu hatta playoff-plássið, tí tað var forbiði nær við, segði Eyðun Klakstein.