Starvsfelagið og arbeiðsgevararnir hava avtalað fimm fundir

Í dag fara Starvsfelagið og Føroya arbeiðsgevarafelag at samráðast um sáttmálar hjá teimum, sum arbeiða hjá Føroya Tele, Posta og Vága floghavn.

Fimm samráðingarfundir eru fyribils avtalaðir.

Málið er, sigur Starvsfelagið, at nýggir sáttmálar eru gjørdir, áðrenn verandi sáttmálar fara úr gildi.

Verandi sáttmálar eru galdandi til 1. januar.

Partarnir góvu hvørjum øðrum krøvini um nýggjar sáttmálar mikudagin í farnu viku.  

Samráðingargongdin er avtalað soleiðis, at har tað ber til og er ráðiligt, vera samráðingarnar skipaðar sum felags samráðingar. 

Annars verður tað, sum er serskilt hjá stovnunum, tikið fyri seg.