Ringt at fáa samskiftistænastur at arbeiða saman við myndugleikunum

At Telegram og Signal ikki komu á fundin við løgmálaráðharrarnar og landsstýrismenninar í lógarmálum, hóast fyritøkurnar vóru bodnar, vísir, hvussu trupult tað er at fáa hesar samskiftistænastur at arbeiða saman við myndugleikunum.

Tað stendur í fráboðan frá ráðharrunum og landsstýrismonnunum í Norðurlondum, sum í gjár høvdu fund við Meta, Google, TikTok og Snapchat.

Ísland, Finnland og Áland vóru ikki við á fundinum.

Á fundinum løgdu tær fýra fyritøkurnar fram sínar ætlanir um at basa ólógliga virkseminum á sosialu pallum sínum.

Norðurlendskir løgmálaráðharrar

(Mynd: Ritzau Scanpix)

Ráðharrarnir og landsstýrismenninir eru samdir um, at hetta er stórt stig á leiðini.

Men brúk er fyri, at fyritøkurnar taka størri ábyrgd og gera meira fyri at tryggja gott og trygt umhvørvi á netinum.

Talgildu tænasturnar vera brúktar millum annað til at fáa børn og ung upp í kriminalitet.

Les niðurstøðuna frá fundinum her.