Elveitingarlógin verður broytt í januar

Tað siga bæði Margit Stórá, landsstýriskvinna í orkumálum, og Sólvit Nólsø, tingmaður fyri Framsókn.

Ein áseting um sølulið var upprunaliga í uppskotinum til elveitingarlóg, sum var samtykt í vár, men tað var tikið út, áðrenn tað var atkvøtt úr nevnd og samtykt av samgonguni. 

Í vár var elveitingarlógin samtykt uttan ásetingina um sølulið, sum annars var ætlanin.

Ásetingin gav privatum loyvi til at selja streym beinleiðis til kundan, treytað av at tey hava keypt tað frá SEV fyrst.

Sólvit Nolsø, tingmaður fyri Framsókn, ivast ikki í, at málið verður avgreitt, sum lovað, og søluliðið verður sett inn í elveitingarlógina fyrst í næsta ár.