Væl nøgdur við HM-lutakast

Føroysku hondbóltskvinnurnar, sum veruliga gjørdu vart við seg í innleiðandi bólki sínum í EM-endaspælinum, skulu í HM-undankappingini í apríl mánaði spæla tveir dystir ímóti Litava.

At kvinnurnar rukku 17. plássi við avrikinum í Basel, tryggjaði teimum pláss í ovara styrkibólkinum, so tær kundu sleppa undan at møta væl sterkari londum.

- Vit kundu fingið væl sterkari mótstøðulið enn Litava, so eg eri nøgdur, sigur Claus Leth Mogensen, ið nú fer at kanna mótstøðuliðið í fyrireikingunum til teir báðar undandystirnar í apríl.

Fyrri dysturin hjá Føroyum verður 9./10. apríl á heimavølli og seinni dysturin verður 12./13. apríl í Litava, og samlaði vinnarin sleppur við til HM-endaspælið í Týsklandi og Hollandi um eitt ár.

- Okkara kvinnur hava víst, at tær saktans kunnu spæla upp við væl sterkari mótstøðu, so vónirnar eru góðar. Vit mugu bara minnast til, at neyðugt er at gera sítt besta í tveimum dystum, sigur landsliðsvenjarin, ið gleðir seg at taka ímóti Litava í Tjarnum:

- Fáa spælararnir sama stuðul har frá yvir 3.000 føroyingum, sum teir fingu í Basel, verða Tjarnir ein ótrúliga góður karmur um fyrra undandystin hjá okkum á heimavølli.

Her kanst tú hoyra samrøðu við Claus Leth Mogensen: