Velja nevndir í Sørvági

Bygdaráðið, sum tekur við á nýggjárinum, skipaði seg fyri einum lítlum mánaði síðani við Eyð Ellingsgaard sum borgarstjóra og Jón Joensen sum varaborgarstjóra.

Nú skulu so tær føstu nevndirnar mannast, og tað er tað, fundurin mikudagin snýr seg um.

Føstu nevndirnar í Sørvágs bygdaráð eru fíggjarnevndin, tekniska nevnd, havnanevndin, trivnaðarnevndin og vinnunevndin.

Harumframt eru eisini aðrar nevndir, umframt at bygdaráðið er umboðað í øðrum nevndum, og teir sessirnir skulu eisini mannast.

Eitt nú skulu umboð fyri kommununa veljast til bæði SEV og IRF.

Tey, ið manna komandi bygdaráðið í Sørvági, eru Eyð Ellingsgaard, Jón Joensen, Helena Heðinsdóttir Guttesen, Tóki Joensen, Hans Kári Hansen, Elias Davidsen og Hugin Skaalum.