Borgarstjórin í Klaksvík: Fólk fara at flyta norður um

Í morgin, hósdagin 19. desember, verður stórt hátíðarhald í sambandi við, at nýggju tunlarnir norður um Fjall lat upp fyri almennari ferðslu. 

VIDEO: Kom við ein biltúr gjøgnum nýggju tunlarnar norður um Fjall

Talan verður um eitt risastórt samferðsluframstig fyri fólk norðanfyri, ið hava liva í einum samferðslulumma, ið er næsta 60 ára gamal. Gomlu tunlarnir stóðu lidnir í 1965 og 1967. 

>>Sí eisini: Eitt 60 ára langt samferðslulop

Nýggju tunlarnir norður um Fjall fara at gera, at Árnafjørður veruliga verður knýttur upp í Klaksvíkar kommunu, heldur Karl Johansen, borgarstjóri í Klaksvík. 

"Tað fer bara at taka fáar minuttir at koyra úr Árnafirði til Klaksvíkar, og stutta farleiðin kann væl hava við sær, at fólk fara at flyta norður um," sigur borgarstjórin í Klaksvíkar kommunu.