Tvøroyrar kommuna vil sjálv sleppa at áseta gjaldið fyri tóm býli

Kommunur skulu ikki hava skyldu til at krevja tænastugjald fyri tóm hús.

Men tær kunnu gera tað.

Tvøroyar býráð hevur viðgjørt uppskotið hjá Løgmálaráðnum um tænastugjøld fyri tóm býli.

Meirilutin í býráðnum heldur, at har sum lógaruppskotið sigur, at um kommuna nýtir heimildina at krevja tænastugjald fyri býli, har eingin er skrásettur at búgva, skal kommunan krevja tænastugjald fyri øll býli í kommununi, har eingin er skrásettur at búgva, skal standa kann í staðin fyri skal.

Meirilutin heldur eisini, at kommunan skal sjálv sleppa at áseta gjaldið.

Lógin sigur, at landið ásetur hámark.