Eldur í bili við tunnilsmunna

Eldur kom í ein persónbil, sum júst var komin úr Eysturoyartunlinum Strandarmegin.

Fráboðanin kom klokkan tjúgu minuttir yvir átta í gjárkvøldið.

Eigarin var farin frá bilinum. Hann helt tá, at eldurin var sløktur.

Men hann livnaði við aftur og ein, sum koyrdi framvið, boðaði frá.

Bilurin stóð á tilbúgvingarøkinum við tunnilsmunnan á Strondum.

40 minuttir seinni var eldurin sløktur.

Bilurin var 24 ára gamal.