Trygdarvandin er ikki øktur

Tað er eingin øktur trygdarvandi í Føroyum, men áhugi fyri Føroyum er vaksandi.

Tað sigur Høgni Hoydal, landsstýrismaður í uttanríkismálum, eftir at Mette Frederiksen, forsætisráðharri, í nýggjársrøðuni segði, at Evropa má dubba seg fyri at verja okkara part av heiminum. 

Landsstýrismaðurin viðgongur tó, at Føroyar hava ein stóran geopolitiska týdning, um stríð kyknar í Norðuratlanshavinum.

Og sjálvt um aðalmálið er, at eingin dubbing skal fara fram í okkara parti av heiminum, so hendir tað í ein ávísan mun.

Hoyr innslag í útvarpstíðindunum: