Vinnunevnd lyft upp

Býráðið í Havn ætlar at lyfta vinnunevndina upp á sama stig sum tær sjey føstu nevndirnar hjá býráðnum.

Tað verður viðgjørt á eyka býráðsfundi í dag.  

Fimm limir skulu veljast í vinnunevndina.

Hon skal umsita vinnu og vinnubygningar, tó ikki á havnarøkinum, vinnunýskipan, vinnustrategi, hýruvognsloyvi, Hugskotið og stuðul til ferðavinnuna.

Av tí at ein føst nevnd kemur aftrat, mugu ásetingarnar um samsýning til nevndarforfólk broytast. 

Samsýningin minkar úr 7,14 prosentum av borgarstjóralønini niður í 6,25 prosent av borgarstjóralønini. 

Býráðið skal eisini velja eina rúgvu av fólki í 32 nevndir og stýri í dag.