Fólkaflokkurin landsfund

Íslendski fíggjarmálaráðharrin, Bjarni Benediktsson, verður annar gestarøðarin á landsfundinum hjá Fólkaflokkinum leygardagin.

Bjarni Benediktsson er formaður í Sjálfstæðisflokkinum, sum situr í stjórn saman við Framsóknarflokkinum.

Hin gestarøðarin á landsfundinum er amerikanski búskaparfrøðingurin, Daniel J. Mitchell.

Hann er knýttur av Cato stovninum í Washington, og er ein av fremstu fortalarum fyri flatskatti.

Tveir konservativir ES-tinglimir verða eisini á landsfundinum hjá Fólkaflokkinum, sum verður leygardagin.