- Tíðindi, mentan og ítróttur
Kostar 2,7 mió. at hava námsfrøðingar at arbeiða fulla tíð
Kostar 2,7 mió. at hava námsfrøðingar at arbeiða fulla tíð
Í løtuni arbeiða námsfrøðingar í serflokkum fólkaskúlans 0,85 av fullari tíð
Landsstýrismaðurin nevnir møguleikan at hækka brotið hjá námsfrøðingunum og hava færri námsfrøðingar í tíðaravmarkaðum starvi. (Savnsmynd)
21.01.2025 - 10:31
Tað hevði kostað 2,7 mió. kr. um árið, skulu allir námsfrøðingar í serflokkum fólkaskúlans arbeiða fulla tíð í staðin fyri 0,85 av fullari tíð.
Talan er um 38 námsfrøðingar í føstum starvi.
Tað sigur Djóni Nolsøe Joensen, landsstýrismaður, sum hevur svarað spurningi frá Magnusi Rasmussen, løgtingsmanni, um starvsnormeringar hjá námsfrøðingum í serflokkum í fólkaskúlanum.
Landsstýrismaðurin nevnir møguleikan at hækka brotið hjá námsfrøðingunum og hava færri námsfrøðingar í tíðaravmarkaðum starvi.
Kannað verður, um setanarbrotið 0,85 er rímiligt, sigur landsstýrismaðurin eisini.
Er kopiera
Nýggjastu sendingar í ÚV
Nýggjastu sendingar í SV
