Trump: Ikki vist at USA fer at fíggja Nato

Amerikanski forsetin, Donald Trump, er ikki vísur í, at USA fer brúka pengar til Nato longur.

Tað segði hann við journalistar, tá ið hann í gjár skrivaði undir fyriskipanir í Ovala rúminum í Hvítu húsunum - sambært Sprotanum, eggrundu stovuni.

- Eg eri ikki vísur í, at vit skulu brúka nakað sum helst, men vit skulu heilt vist hjálpa teimum, segði hann sambært Reuters.

- Vit verja tey. Tey verja ikki okkum, legði Trump aftrat.

Fimm prosent av BTÚ

Hann endurtók eisini kravið um, at hinir 31 limirnir í verjusamgonguni skulu brúka fimm prosent av BTÚ til verju. Málið í dag er tvey prosent.

Tað var eisini boðskapurin, tá Trump helt røðu fyri World Economic Forum í Davos í Sveis, sum er í hesum døgum.

USA rindar 15,8 prosent av árligu útreiðslunum hjá Nato.

Tað svarar til okkurt um 25 milliardir krónur, og er størsti parturin saman við Týsklandi, vísir ein uppgerð frá í fjør.

Í 2023 brúkti USA 816,7 milliardir dollarar, 5.858 milliardir í okkara pengum, til verjuna. Tað er meira enn helvtin av samlaðu útreiðslunum hjá verjusamgonguni.