Heimasíðan hjá fólkatinginum eisini á føroyskum og grønlendskum

Fólkatingið almannakunngjørdi í dag eina føroyska og eina grønlendska útgávu av heimasíðuni hjá tinginum.

Tað byrjaði sum eitt ynski um at fáa meira tilfar á grønlendskum, men endaði við einari staðfesting av, at tá ein ríkisfelagsskapur er, er skilagott, at skrivligt tilfar er á øllum málum í ríkisfelagsskapinum.

Søren Væver

Søren Væver.

Hóast tað nú ber til at lesa um Fólkatingið á føroyskum, so er tað tó bara ein lítil partur av heimasíðuni, sum er umsettur til føroyskt.

Tað viðgongur samskiftisstjórin í Fólkatinginum, Søren Væver.

Lóggávuarbeiðið í fólkatingssalinum er framvegis burturav á donskum.

Hoyr innslag í útvarpstíðindunum: 

Eitt fólk hevur sitið við arbeiðnum at gera heimasíðuna seinastu 10 mánaðirnar. Hann hevur gjørt síðuna og skrivað tekstirnar, sum síðan er umsettur aðrastaðni enn í Fólkatinginum.