Báðir samgonguflokkarnir í Grønlandi hava afturgongd

Báðir samgonguflokkarnir í Grønlandi hava afturgongd
Demokraatit tvífaldar atkvøðutalið, vísir veljarakanning
Formenninir í báðum samgonguflokkunum í Grønlandi, Múte B. Egede úr IA, og Erik Jensen í Siumut. Báðir flokkarnir hava afturgongd, vísir veljarakanning.
Mynd: KNR  
 
07.02.2025 - 15:13

Báðir samgonguflokkarnir í Grønlandi, IA og Siumut, hava afturgongd í einari veljarakanning, sum greiningarfyritøkan Verian hevur gjørt fyri Sermitsiaq og Berlingske.

Samstundsis hevur flokkurin Demokraatit framgongd.

Kanningin er gjørd frá 22. til 27. januar, t.e. stutt fyri at landstingsvalið var útskrivað.

Á valinum í 2021 fekk IA 36,6 prosent av atkvøðunum, men nú hevði flokkurin fingið 31 prosent, vísir kanningin.

Siumut fekk 29,5 prosent av atkvøðunum á valinum seinast, men nú fær flokkurin 21,9 prosent.

 

Tvífaldar atkvøðutalið

Demokraatit meiri enn tvífaldar atkvøðutalið samanborið við valið fyri fýra árum síðani. Tá fekk flokkurin níggju prosent, men nú stendur hann til at fáa 18,8 prosent.

Naleraq hevur eisini framgongd. Kanningin vísir, at flokkurin fær 16,5 prosent av atkvøðunum afturímóti 12 prosentum í 2021.

Attasut hevur eisini eina lítla framgongd, úr sjey prosentum fyri fýra árum síðani upp í 9,7 prosent. 

Vert er tó at leggja til merkis, at 30 prosent av teimum umleið 500 fólkunum, sum eru spurd í kanningini, hava ikki tikið støðu til, hvønn tey fara at velja. 

Landstingsvalið í Grønlandi verður 11. mars. 

 

 

Er kopiera
Nýggjastu sendingar í ÚV
Fríggjadag 23. mai
Vikuskiftið 23 mei 2025
192308
Fríggjadag 23. mai
RagnarRokk: Mr.Lordi um Limited Deadition
192292
Fríggjadag 23. mai
Morgunlestur fríggjadagur 23.mai 2025
192149
Hósdag 22. mai
RagnarRokk 22.mai 2025
191036
Nýggjastu sendingar í SV
Fríggjadag 23. mai
Veðrið
192307
Fríggjadag 23. mai
Dagur og vika - teknmálstulkað
192266
Mikudag 21. mai
Eftir Vørðunum - teknmálstulkað
192195
Mikudag 21. mai
KAKUMiKS (2:7) - teknmálstulkað
192190
Mikudag 21. mai
Dagur og vika - teknmálstulkað
192158