Frítekst tagging:
- Tíðindi, mentan og ítróttur
Útvega meiri vitan um føroyskt bústaðartilknýti
Útvega meiri vitan um føroyskt bústaðartilknýti
Útgreinað hagtøl um fólk, sum hava føroyskt bústaðartilknýti og lesa á donskum útbúgvingarstovnum og búgva uttanlands, eru í menning
Lærdi háskúlin í Keypmannahavn. Ein seruppgerð vísir, at føroyingar, sum lesa í Danmark og búgva uttanlands, eru 500 færri nú enn í 2012.
13.02.2025 - 09:09
Hagstovan og Danmarks Statistik arbeiða saman um fáa meira vitan um fólk við føroyskum bústaðartilknýti, sum búgva ella hava búð í Danmark.
Ein partur er um útbúgvingardátur úr skráum hjá Danmarks Statistik.
Eitt úrslit er, at útgreinað hagtøl um førleikagevandi útbúgvingar á donskum útbúgvingarstovnum hjá fólki við føroyskum bústaðartilknýti, sum búgva uttanlands, eru í hagtalsgrunninum.
Útgreinað hagtøl um fólk, sum hava føroyskt bústaðartilknýti og lesa á donskum útbúgvingarstovnum og búgva uttanlands, eru í menning.
Tað sigur Djóni Nolsøe Joensen, landsstýrismaður, í svari til Bárð á Lakjuni, løgtingsmann.
Hann sigur, at almenn hagtøl væntast at vera tøk í hagtalsgrunninum í ár.
Djóni Nolsøe Joensen. (Mynd: Bjarni Árting Rubeksen)
Bárður á Lakjuni, løgtingsmaður. (Mynd: Bjarni Árting Rubeksen)
500 færri enn í 2012
Ein seruppgerð vísir, at føroyingar, sum lesa í Danmark og búgva uttanlands, eru 500 færri nú enn í 2012.
Minkingin er 20 prosent, úr 2.350 í 2012 til 1.850 í 2022.
Eingi fullfíggjað almenn hagtøl eru um lesandi ella førleikagevandi útbúgvingar í Føroyum.
Til tess krevst, at Hagstovan fær fígging til at raðfesta menning og gera útbúgvingarhagtøl.
Tað er leysliga mett at kosta eina millión krónur árliga, sigur landsstýrismaðurin.
Tá fólk hava búð í Føroyum helvtina av sínum lívi ella í sjey av tíggju samanhangandi árum einaferð í lívinum, hava tey, sambært Hagstovuni, bústaðartilknýti til Føroya.
Er kopiera
Nýggjastu sendingar í ÚV
Nýggjastu sendingar í SV
