Rúna Sivertsen yrkir um nýggjastu tíðindini

Miðlarnir eru á tremur við nýggjum tíðindum hvønn dag. Fleiri munnu onkuntíð spyrja seg sjálvi, hvat tey skulu brúka øll hesi tíðindini til.

Ein, ið brúkar tey øðrvísi enn tey flestu, er Rúna Sivertsen. Hon er farin at yrkja um føroysk tíðindi.

Tað byrjaði rættiliga spontant. Í Degi og viku var tosað um neyðtilbúgving, og burtur úr tí prátinum kom ein yrking, Síðani eru fleiri lagdar aftrat.

- Eg síggi hetta ikki sum yrkingar. Hetta er bara til stuttleikar, sigur Rúna Sivertsen, ið tó ásannar, at hesin hátturin gevur frælsi at siga ymiskt, sum annars helst ikki hevði verið lagt út alment.

Yrkingarnar kunnu lesast á facebook-vanganum hjá Rúnu Sivertsen.