Bilførari koyrdi á skeivari vegbreyt í Kollfjarðarbergholinum

Stutt fyri klokkan eitt í gjár fekk politiið fráboðan um ein bil, sum koyrdi ófantaliga í Kollfjarðarbergholinum.

Bilurin, sum var veg norðureftir, fór yvir á hina vegbreytina.

Samanstoytur mundi blivið, tí speglið á bilinum tók í speglið hjá einum bili, sum koyrdi suðureftir.

Og bilurin kom eisini heilt nær tveimum øðrum bilum, uttan tó at raka teir.

Politiið fann bilin.

Og bilførarin, ein maður, er yvir 80 ár.

Politiið tók koyrikortið frá honum alt fyri eitt, tí politiið heldur ikki, at hann er førur fyri koyra bil.

Einki rúsdrekka var uppií.