- Tíðindi, mentan og ítróttur
Sáttmáli gjørdur um røktarheimið við Stórubrekku
Sáttmáli gjørdur um røktarheimið við Stórubrekku
Articon skal byggja heimið, sum eftir ætlan skal verða liðugt í seinnu helvt av 2027
Elsa Berg, borgarstjóri, og Jón Sigurdsson, stjóri í Articon, tá skrivað var undir sáttmálan um røktarheimið við Stórubrekku.
03.04.2025 - 14:39
Fyrrapartin skrivaðu Articon og Tórshavnar kommuna undir sáttmála um nýggja røktarheimið við Stórubrekku.
Tórshavnar býráð samtykti á býráðsfundi í farnu viku at taka undir við arbeiðstøkusáttmála, við einum samlaðum tilboði frá Articon uppá 296 milliónir krónur u/mvg.
Eisini skrivaði kommunan undir sáttmála við Ráð um byggiharraráðgeving og -leiðslu.
Í røktarheiminum við Stórubrekku vera 64 búpláss og dagtilboð til 50 eldri heimabúgvandi. Harumframt verða 16 røktaríbúðir til einstaklingar og pør.
Mett byggitíð er tvey ár og átta mánaðir. Arbeiðið skal eftir ætlan byrja í vár, og verður væntandi liðugt í seinnu helvt av 2027, skrivar Tórshavnar kommuna.
Er kopiera
Nýggjastu sendingar í ÚV
Nýggjastu sendingar í SV
