Skaðanevnd ovast á ynskilistanum hjá Ferðslutrygd

Skaðanevnd er framvegis ovast á ynskilistanum hjá Ráðnum fyri ferðslutrygd.

Neyðugt er, at málið vendir rætt, sigur ráðið.

Tí er fremsta uppgávan at fáa serlóg um skaðanevnd samtykta.

Væntandi kann málið fara í hoyring, tá løgtingið kemur saman aftur á ólavsøku, sigur Ráðið fyri ferðslutrygd.

Skaðanevndin skal kanna, hví ferðsluóhapp henda, so til ber at gera fyribyrgjandi ferðslutrygdararbeiði. 

Skaðanevndin hevur verið ovast á ynskilistanum hjá Ráðnum fyri ferðslutrygd í minst 20 ár.