Løgtingið fyri at geva løn í skúlatíð

Næmingar í Heilsuskúlanum skulu nú fáa løn í skúlatíðini heldur enn lestrarstuðul.

Men treytin er, at næmingurin hevur arbeiðsgevara. 

Mentanarnevndin hjá løgtinginum tekur undir við uppskotinum hjá Barna- og Útbúgvingarmálaráðnum.

Arbeiðsgevarin fær 80 prosent av minstulønini endurrindaða ávís tíðarskeið í útbúgvingini, har næmingurin ikki er á fasta starvsvenjingarstaðnum.

Hetta verður gjørt fyri at fáa fleiri at útbúgva seg í heilsu- og vælferðarøkinum, sigur Barna- og Útbúgvingarmálaráðnum.  
 
Uppskotið fer at kosta landinum 15,5 mió.kr. í 2027, tá skipanin er komin á mál.

Men fýra milliónir vera spardar í lestrarstuðli, so nettokostnaðurin verður 11,5 mió. kr.

Mentanarnevndin heitir á landsstýrismannin um at eftirmeta skipanini, tá hon hevur virkað í eina tíð. 

Hon heitir eisini á landsstýrismannin um at tosa við Heilsuskúlan um fjarlestrarskipan.

Lønarskipanin er ikki klár at seta í gildi enn, tí samráðingar mugu vera við fakfeløgini fyrst.