Í dag verða goldnar 565 milliónir í frítíðarløn

Í dag fáa gott 33.000 fólk útgoldið tilsamans 565 milliónir krónur í frítíðarløn. 

Hetta er 20 milliónir meira enn í fjør.

Frítíðarlønin hjá tímaløntum er 12 prosent av tí, sum tey hava tjent. Arbeiðsgevarin rindar henda prosentpart á frítíðarkontu hjá TAKS, samstundis sum hann flytur vanligu lønina.

Hjá mánaðarløntum er frítíðarlønin ein vanlig mánaðarløn umframt eitt frítíðarískoyti uppá 1,5 prosent av teirri løn, sum tey hava tjent í innvinningarárinum.

Arbeiðsgevarar umsita og útgjalda sjálvir frítíðarískoytið. Vanliga verður tað útgoldið saman við lønini í apríl.