Krevja pengar frá teimum, sum ikki hava avtalu

Nú fer Klaksvíkar kommuna at krevja pengar frá teimum, sum hava bingjur, bilar og annað á økinum hjá Klaksvíkar havn uttan avtalu við Klaksvíkar havn.

Tann skipanin kemur 1. juni.

Gjaldið verður 100 krónur um samdøgrið fyri bingjur, akfør og tílíkt.

Fyri tilfar verður gjaldið 25 krónur fyri fermeturin, tá talan er um grúslendi, og 35 kr. á asfalteraðum øki.

Kommunan heitir annars á øll, sum eiga tilfar, bingjur ella akfør á økinum hjá Klaksvíkar havn um at fáa tað á egið øki fyri 1. juni.