Biðja um at Boeing sleppur undan rættarsókn

Amerikanska løgmálaráðið hevur biðið um, at revsimálið móti flogverksmiðjuni Boeing, verður slept, nú semja er fingin í lag við fyritøkuna.

Tað skrivar NTB.

Revsimálið snýr seg um tvær álvarsligar flogvanlukkur, tann fyrra í Indonesia í 2018 og tann seinna Etiopia í 2019.

Vanlukkurnar kravdu 346 mannalív, og í báðum førum var flogfarið av slagnum, Boeing 737 MAX.

Avtalan millum amerikanska løgmálaráðið og Boeing merkir, at fyritøkan sleppur undan rættarsókn.

Boeing skal millum annað rinda 444,5 milliónir dollarar, góðar 2,9 milliardir í okkara pengum, í ein grunn, sum skal latast teimum avvarðandi.