Ukraina boðið við á Nato-fund

Ukraina er boðið á Nato-toppfund í Hollandi síðst í hesum mánaðinum.

Tað sigur Volodymyr Zelenskyj, forseti.

- Eg haldi, at tað hevur týdning at vera við, segði hann við journalistar í Vilnius.

Í gjár var forsetin á toppfundi í høvuðsstaðnum í Litava saman við fleiri norðurlendskum, baltiskum og eysturevropiskum ríkis- og stjórnarleiðarum.

Ukrainski uttanríkisráðharrin, Andrij Sybiha, skal fyrireika fundin, men Zelenskyj segði ikki, um hann sjálvur fer til Hollands.