- Tíðindi, mentan og ítróttur
Politiska arbeiðið um ríkisrættarligu støðuna liggur stilt
Politiska arbeiðið um ríkisrættarligu støðuna liggur stilt
Í løtuni bendir einki á, at ein felags føroysk støða verður løgd fram á ríkisfundinum um smáar tvær vikur
Frá fyrsta fundinum um ríkisrættarligu støðuna, sum var 24. januar. Síðani hevur bara ein fundur verið um málið.
Mynd: Bjarni Árting Rubeksen
03.06.2025 - 18:00
Politiska arbeiðið at finna breiða semju um ríkisrættarligu støðuna hjá Føroyum hevur ligið stilt síðani februar.
Í løtuni bendir einki á, at ein felags føroysk støða verður løgd fram á ríkisfundinum um smáar tvær vikur.
Bara ein fundur er hildin síðani, hann var góða hálva aðru viku eftir fyrsta fundin.
Bárður á Steig Nielsen, formaður í Sambandsflokkinum, á fyrsta fundinum um tjóðarsemjuna.
Beinir Johannesen, formaður í Fólkaflokkinum, á fundi í Tinganesi um tjóðarsemju.
Annika Olsen í Tjóðveldi hevur spurt løgmann, hvussu gongur við arbeiðnum um ríkisrættarligu støðuna.
Bárður Nielsen, Beinir Johannesen og hini forfólkini í politisku flokkunum hava fingið fundarboð frá løgmanni at møta í Tinganesi hósdagin.
Men andstøðuflokkarnir hava einki ítøkiligt at taka støðu til enn.
Annika undrast eisini
Tað er ikki bara andstøðan, sum undrast.
Í grein-52 fyrispurningi um dagarnar spyr samgongutingkvinnan, Annika Olsen, løgmann, hvussu gongur við arbeiðnum, og um niðurstøða fæst áðrenn ríkisfundin. Fyrispurningurin er ikki svaraður enn.
Men í stóru andstøðuflokkunum fjarar vónin um tjóðarsemjuna burtur, nú ríkisfundur verður í Føroyum um smáar tvær vikur, 16. og 17. juni.
Hoyr innslag í útvarpstíðindunum:
03062025_Tjodarsemja
Vit hava biðið um eina samrøðu við Aksel V. Johannesen um hetta málið. Men løgmaður vendir ikki aftur. Hann er ikki til arbeiðis í Tinganesi, men er staddur í Skúgvi saman við tingbólkinum hjá Javnaðarflokkinum.
Sí innslag í Degi og Viku 24. januar, tá fyrsti fundurin var um ætlaðu tjóðarsemjuna:
250124_DV_TJODSEMJA_AKSEL
Er kopiera
Nýggjastu sendingar í ÚV
Nýggjastu sendingar í SV
