Røkka ikki málinum um grøna elorku í 2030

Felagsskapurin Varandi vinna ivast í, um Føroyar fara at røkka málinum um 100 prosent grøna elorku í 2030.

Nógv bendir á, at so verður ikki, sigur Varandi vinna.

Málið var sett í 2014. Síðani hevur varandi orka í elskipanini ligið millum 38 og 60 prosent.

Í fjør var hon sløk 57 prosent.

32 fyritøkur

32 fyritøkur eru í Varandi vinnu, sum Vinnuhúsið stovnaði í fjør.

Varandi vinna er um samstarv og samskifti í grøna orkuskiftinum.

Tær 32 fyritøkurnar, sum eru í varandi vinnu, eiga 29 prosent av orkunýtsluni í Føroyum. 

Útlátið er 318.154 tons CO2. 

Í arbeiðnum at minka útlátið leggja fyritøkurnar um frá olju til el.