Í rættin fyri kynsligan ágang móti gentu

Føroya rættur fer í dag og í morgin at viðgera eitt revsimál um kynsligan ágang móti gentu, sum er yngri enn 15 ár.

Ein 37 ára gamal maður er ákærdur fyri annað kynsligt samband enn samlegu við 12 ára gamla gentu.

Hetta var, sambært ákæruritinum, í 2007.

Tvær ákærur eru. 

Í aðrari ákæruni er maðurin ákærdur fyri at gera seg inn á gentuna ikki færri 50 ferðir.

Í hinari ákæruni er talan um eitt brot.   

Maðurin er eisini ákærdur fyri hóttan.

Hann er ákærdur fyri at sikta eftir átta ára gomlu dóttur sínari við høglbyrsu.

Hann siktaði eftir høvdi hennara, stendur í ákæruritinum, og skal hava sagt, at her vil eg raka teg, og so doyrt tú, ella okkurt sovorðið.

Hetta skal hava verið í 2021.

Maðurin noktar seg sekan.