Fær farloyvi frá lívlangari fongsulsrevsing

Mijailo Mijailovic hevur fingið játtað fyribils farloyvi, - sonevnt luft-hols-farloyvi, frá svensku rættarskipanini, skrivar Aftonbladet. Farloyvið, sum hann sjálvur hevur søkt um, verður framt undir eftirliti, skrivar blaðið. Mijailovic fær ikki regluligt farloyvi frá dóminum.

Hann hevur áður biðið um at sita dómin í Serbia, sum hann hevur sterkari tilknýti til. Rætturin hevur fleiri ferðir víst áheitanini aftur.

Anna Lindh varð álopin við knívi í vøruhandlinum NK í Stokkhólmi í september 2003. Hon doyði dagin eftir av løstunum. Hon var tá uttanríkisráðharri í stjórnini hjá Göran Persson, og skuldi taka við sum forkvinna hjá Sosialdemokratunum, sum var stjórnarflokkur tá.

Mijailovic varð handtikin fýra dagar eftir álopið og seinni dømdur lívlanga fongsulsrevsing.