Suðuroyartunnilin: Tvey uppskot um farleiðir

Tvey uppskot um farleiðir skulu gerast, áðrenn Suðuroyartunnilin kemur aftur í løgtingið í heyst.

Og Skúgvoy er við í báðum.

Partafelagið Suðuroyartunnilin skal gera uppskotini til politikarnar at taka støðu til.

Annað uppskotið er um at gera forprosjekt um atkomutunnil til Skúvoyar umframt vegir og tunlar, sum binda Sandoyartunnilin í Traðadali og Suðuroyartunnilin í Djúpadali saman. 

Talan er um ein tunnil gjøgnum Sandalíð og veg gjøgnum Sands bygd við tveimum rundkoyringum, so verandi bygdavegir vera varðveittir til millum annað lætta ferðslu.

Suðuroyartunnil og Sandoy

Eisini skal kannast at gera undirsjóvartunnil millum Traðardal og Sandvík við íbinding til Skúvoyar. 

Traðardalur-Sandvík

Hitt uppskotið er at gera undirsjóvartunnil millum Traðardal og Sandvík við íbínding til tunnil til Skúvoyar.

Fyri báðar farleiðir eru tey somu vega- og tunnilskervi í Suðuroy atknýtt, sum eru í forprosjekti, sum Landsbyggifelagið gjørdi fyri Suðuroyartunnilin.

Ein kostnaðarmeting skal gerast eins og tíðarætlan.

Fyri báðar farleiðir skal lýsast, hvørji umhvørvisviðurskifti og náttúruárin krevja eina nærri lýsing. 

Eitt nú skal vera greitt, hvussu spurningurin um loyvini at fylla grót úr tunlinum á sjógv við tí endamáli at gera eina fyribils havn í Skúvoy kann avgreiðast

Forfólkini í øllum flokkum á løgtingi eru komin í politiska fylgibólkin, stendur í ískoytispartinum til løgmansfrágreiðingina.