Danmark letur 850 milliónir til rættarskipanina í Grønlandi

Danmark letur Grønlandi 850 mió. kr. til rættarskipanina árini 2026 til 2030.

Tað kunngjørdi danski løgmálaráðharrin, Peter Hummelgaard, á tíðindafundi í Nuuk í gjár.

Millum annað fáa politiið og ákæruvaldið 31 nýggj ársverk. Og dómsvaldið fær betri KT-skipan.

Serligur dentur verður lagdur á at fyribyrgja brotsverk móti eitt nú børnum. Og ein nýggj politistøð skal byggjast í Nuuk.

Dataeftirlitið skal hava nýggj høli, og luturin hjá fregnartænastuni hjá politinum skal styrkjast.

Og fólk, sum duga grønlendskt, skulu setast í rættarskipanini í Grønlandi.