115 fleiri nýggj akfør í ár

115 fleiri nýggj akfør vóru skrásett fyrstu átta mánaðirnar í ár, enn somu tíð í fjør, vísa tøl hjá Akstovuni.

Tilsamans eru 1245 nýggj akfør skrásett í ár, og tað eru góð 10 prosent fleiri enn somu tíð í fjør.

73 fleiri persónbilar eru skrásettir í ár. Teir vóru tilsamans 898 fyrstu átta mánaðirnar, og vøksturin er sløk níggju prosent.

Men í august vóru sjey færri persónbilar skrásettir, enn sama mánað í fjør.

Higartil í ár eru skrásett 216 brúkt akfør, og tað eru 66 færri enn somu tíð í fjør, vísa tølini hjá Akstovuni

Sí yvirlit yvir nýggj akfør

Sí yvirlit yvir brúkt akfør