Gerningsmaðurin gongur leysur

Maðurin, sum skeyt og drap høgravenda aktivistin, Charlie Kirk, á einum politiskum fundi í statinum Utah í gjár, gongur framvegis leysur.

Tað segði amerikanska samveldisløgreglan, FBI, á tíðindafundi fyri løtu síðani.

Samveldisløgreglan hevur varhugan av, at gerningsmaðurin kendi til universitetið í Utah Valley, og at hann er um sama aldur sum ein universitetslesandi.

Myndugleikarnir vilja ikki avdúka samleikan, men siga, at tey hava góðar sjónbandaupptøkur av gerningsmanninum.